Azərbaycanın kişi basketbolçuları Avropa Kubokuna vəsiqə qazanıb - YENİLƏNİB

Kişilərdən ibarət 3X3 basketbol üzrə Azərbaycan millisi Kosovonun paytaxtı Priştinada keçirilən Avropa Kubokunun təsnifat mərhələsində final görüşünə çıxıb.

"Report" xəbər verir ki, yığma Kipr seçməsi ilə üz-üzə gəlib.

Komanda rəqibini 20:18 hesabı ilə üstələyərək Avropa Kubokuna vəsiqə qazanıb.

Qeyd edək ki, əsas mərhələ 22-25 avqustda Avstriyanın paytaxtı Vyanada olacaq.

Xatırladaq ki, daha əvvəl qadınlardan ibarət milli də final mərhələsinə yüksəlib.

Kişilərdən ibarət 3X3 basketbol üzrə Azərbaycan millisi Kosovonun paytaxtı Priştinada keçirilən Avropa Kubokunun təsnifat mərhələsində növbəti görüşünə çıxıb.

"Report" xəbər verir ki, yığma yarımfinalda İrlandiyaya 21:12 hesabı ilə qalib gəlib.

Komanda finalda Kipr ilə üz-üzə gələcək. Qarşılaşma Bakı vaxtı ilə saat 22:15-də start götürəcək.