Fransalı futbolçu Avropa çempionatından sonra milli karyerasını başa vuracaq

İtaliyanın "Milan" klubunda çıxış edən Olivye Jiru bu il keçiriləcək Avropa çempionatından sonra Fransa millisindəki karyerasını başa vuracaq.

"Report" "Lequipe" nəşrinə istinadən xəbər verir ki, bu barədə 37 yaşlı hücumçu açıqlama verib.

O, yığma üçün çox darıxacağını bildirib. Jiru gənclərə yer verməyin vaxtının çatdığını da vurğulayıb.

Qeyd edək ki, təcrübəli forvard 2011-ci ildə millidə debüt edib. O, Fransa yığmasında 131 matça çıxıb və 57 qola imza atıb. Hücumçu komanda ilə 2018-ci ildə dünya çempionatının, 2021-ci ildə isə Millətlər Liqasının qalibi olub. Jiru mövsümün sonunda ABŞ-nin "Los Anceles" klubuna keçəcək.