Mərakeşli ultramarafonçu: 106 gün ərzində 7500 km yol qət etmişəm

106 gün ərzində 7500 km yol qət etmişəm.

"Report"un məlumatına görə, bunu jurnalistlərə açıqlamasında Bakıda səfərdə olan mərakeşli ultramarafonçu Karim Mosta bildirib.

Dünya çempionu Azərbaycanda olmaqdan məmnunluğunu ifadə edib: "Hamıya minnətdarlığımı bildirirəm. Cənab səfirin burada olması da mənim üçün böyük şərəfdir. Uşaqlarla velosiped sürmək çox yaxşı oldu. Digər ölkələri ziyarət etmək, fərqli insanlarla tanış olmaq istədim. Kasablankadan bura 106 gün ərzində 7500 km qət etmişəm. Hər olduğum ölkədə gözəl qarşılandım. Maraqlıdır ki, yolum uzandıqca insanlar çox təəccüblənirlər. Sərhədi keçdiyim gündən Azərbaycanda yalnız gözəl insanlarla rastlaşıram. Polis əməkdaşları yol göstərirlər, hətta nəyisə başa salırlar, çay verirlər. İsmayıllıdakı velosiped zavodunu da ziyarət etdim.

K.Mosta bundan sonrakı marşrutunu da açıqlayıb: "Xəzər dənizini görmək arzusundaydım. Daha sonra Qazaxıstan, Qırğızıstan, Tacikistan və Çinə gedəcəm. Bununla da marafonu bitirəcəm".