"Şamaxı"nın baş məşqçisi: Bizə çempionluq lazımdır

Bizə çempionluq lazımdır.

"Report"un məlumatına görə, bunu "Şamaxı"nın baş məşqçisi Ramiz Məmmədov Azərbaycan I Liqasının XXVI turunda səfərdə "Qaradağ Lökbatan"a qalib (3:2) gəldikləri oyundan sonra deyib.

Mütəxəssis yaxşı oyun göstərdiyinə görə rəqib komandaya təşəkkür edib. "Bu gün Lökbatana gələn azarkeşlərimizə xüsusi təşəkkür düşür, hər biri maraqlı oyuna şahidlik etdilər. Komandamız qol vurduqdan sonra müdafiə futboluna üstünlük verdi. Bizə çempionluq lazımdır. Yaxşı oyun göstərib, xal itirdiyimiz qarşılaşmalar çox olub. Nəticədə tarix qalacaq, biz çempion olmamışıq. Qalib komandanın adına növbəti turda aydınlıq gələcək".

Qeyd edək ki, qələbə qazanan "Şamaxı" xallarının sayını 54-ə çatdıraraq turnir cədvəlində liderliyi ələ keçirib. "Qaradağ Lökbatan" isə 53 xalla ikinci sıraya enib.