Azərbaycan Kuboku: "Sərhədçi" sonuncu yarımfinalçı olub
https://qelebe.az//uploads/photo/azerbaycan-kuboku-serhedchi-sonuncu-yarimfinalchi-olub.webp
"Sərhədçi" İdman Mərkəzində basketbol üzrə Azərbaycan Kubokunun B qrupunda son iki oyun keçirilib.
"Report" xəbər verir ki, günün ilk oyunu "Gəncə" və "Şəki" komandaları arasında baş tutub.
Bu oyun "Gəncə" klubunun 85:78 hesablı qələbəsi ilə yekunlaşıb. Ən məhsuldar basketbolçular "Gəncə"dən Donovan Filds (20 xal, 7 asist), "Şəki"dən Simeus Vebster (22 xal, 14 ribaund) olublar.
Günün ikinci oyununda qrupdan çıxmaq uğrunda mübarizə aparan "Sabah"la "NTD-İndiqo" üz-üzə gəlib. Bu görüşdə "NTD-İndiqo" 89:85 hesablı qələbə qazanaraq B qrupunu lider tamamlayıb.
"Sabah"ın məğlub olmasından sonra "Sərhədçi" yarımfinala vəsiqə qazanıb. Ən məhsuldar basketbolçular "Sabah"dan Endər Poladxanlı (21 xal, 10 ribaund), "NTD-İndiqo"dan Qriffin Remmi (21 xal, 11 asist) olublar.
Qeyd edək ki, Azərbaycan Kubokunda yarımfinal oyunları ("NTD-İndiqo" - "Xəzri", "Neftçi" - "Sərhədçi") aprelin 17-də keçiriləcək
