"Neftçi"nin qapıçısı Azərbaycan millisində ilk oyununu keçirməkdən qürur duyur
https://qelebe.az//uploads/photo/neftchinin-qapichisi-azerbaycan-millisinde-ilk-oyununu-kechirmekden-qurur-duyur.webp
Milli komandada ilk oyunumu keçirdiyim üçün qürur duyuram
Bunu "Report"a milli komandanın qapıçısı Rza Cəfərov "FIFA series - Edition 2024" layihəsi çərçivəsində Tofiq Bəhramov adına Respublika stadionunda keçirilən Azərbaycan - Monqolustan matçı barədə danışarkən deyib.
"Neftçi" klubunun "çərçivə qoruyucusu" millidəki ilk oyununu şərh edib: "Həqiqətən maraqlı görüş alındı. Məşqçilərin etimadını növbəti matçlarda da doğrultmağa çalışacağam. Komandanın heyətində olan digər qapıçılar oyundan öncə mənə dəstək oldular. Qarşılaşmaya yaxşı köklənmişdik. Rəqibin son dəqiqələrdə təzyiqi artsa da, bunu dəf etməyi bacardıq".
Qeyd edək ki, qarşılaşma Azərbaycan millisinin 1:0 hesablı qələbəsi ilə sona çatıb. Yığma növbəti matçını martın 25-də, saat 20:00-da Bolqarıstana qarşı keçirəcək.
