“Zirə”nin müdafiəçisi “Turan Tovuz”la oyunda zədələnib

“Zirə”nin futbolçusu Məqsəd İsayev Azərbaycan Premyer Liqasının XXV turunda “Turan Tovuz”la oyunda zədələnib.

“Report”un məlumatına görə, 30 yaşlı müdafiəçi Zirə İdman Kompleksinin stadionunda keçirilən matçın əvvəllərində sıradan çıxıb.

Rəqib oyunçu ilə toqquşaraq xəsarət alan İsayev mübarizəni davam etdirə bilməyib. 10-cu dəqiqədə məcburi əvəzləməyə əl atan baş məşqçi Rəşad Sadıqov meydançaya Fuad Bayramovu buraxıb.

Qeyd edək ki, hazırda birinci hissəsi gedən görüşdə “Turan Tovuz” 1:0 hesabı ilə öndədir.