Bakıda lisenziya xarakterli beynəlxalq atletika yarışı keçiriləcək

Əməkdar məşqçi Aleksandr Antipovun xatirəsinə həsr olunmuş atletika üzrə Bakı beynəlxalq qış yarışı keçiriləcək.

Azərbaycan Atketika Federasiyasından "QELEBE.AZ"a verilən məlumata görə, turnir fevralın 2-3-də Respublika Olimpiya Mərkəzində təşkil olunacaq.

Yarışda Azərbaycan, Qazaxıstan, Qırğızıstan və Saxa Respublikasından (Yakutiya) atletlər güclərini sınayacaqlar.

Turnir Paris-2024 Yay Olimpiya Oyunlarına lisenziya xarakteri daşıyır.