İsrail şahmatçısı: "İddiaçılar Turnirinə düşmək Nicat Abasov üçün böyük uğurdur"

"İddiaçılar Turnirinə düşmək Nicat Abasov üçün böyük uğurdur".

Bunu "QELEBE.AZ"a açıqlamasında Azərbaycan Şahmat Federasiyasının (AŞF) dəvəti əsasında Bakıya gələn Boris Qelfand deyib.

İsrailli qrossmeyster Azərbaycanı İddiaçılar Turnirində təmsil edəcək Nicat Abasovun elit şahmatçılar arasında yaxşı çıxış edəcəyinə inandığını söyləyib: "Nicatı bu yarışda mübarizə aparacağına görə təbrik edirəm. Çox çalışqan şahmatçıdır. İndi də həmin turnirə hazırlaşır. Yəqin ki, ətrafında olan komanda da çox güclüdür. İnanıram ki, uğursuz çıxış etməz. Turnirin favoriti olmasa da, ona uğur arzulayıram".

Qeyd edək ki, uzun illər İsrail millisində çıxış edən Boris Qelfand 2009-cu ildə Dünya Kubokunun, 2011-ci ildə isə İddiaçılar Turnirinin qalibi olub. O, 2012-ci ildə dünya çempionluğu uğrunda matçda iştirak edib.