Futbol sahəsində ən çox nifrət edilən şəxslərin adları açıqlanıb

“FourFourTwo” nəşri futbol sahəsində ən çox nifrət edilən şəxslərin adlarını dərc edib.

“Report” xəbər verir ki, azarkeşlər arasında aparılan səsvermənin nəticəsində 32 nəfərlik siyahı hazırlanıb.

Azarkeşlərin ən çox nifrət etdikləri futbolçu İngiltərənin “Mançester Siti” klubunun sabiq üzvü Co Bartondur. FIFA-nın keçmiş prezidenti Jozef Blatter ikinci, 1979–1986-cı illərdə Almaniya millisinin qapısını qorumuş Harald Şumaxer üçüncü pillədədir.

Siyahıda Mişel Platini (4-cü) Kriştianu Ronaldu (7), Luis Suares (8), Joze Mourinyo (10), Dieqo Maradona (14), Aleks Ferqyuson (27) və Serxio Ramos (31) kimi məşhur simalar da var.