Azərbaycanın ilk cüdo məşqçilərindən olan mütəxəssis vəfat edib

Azərbaycanın əməkdar cüdo məşqçisi Viktor Kuznetsov vəfat edib.

Bu barədə "Report"a Azərbaycan Cüdo Federasiyasından məlumat verilib.

Qeyd edək ki, ölkəmizin ilk cüdo məşqçilərindən olan Viktor Kuznetsov 1946-cı ildə anadan olub. Onun tələbələri SSRİ birinciliklərində, Azərbaycan çempionatlarında və beynəlxalq yarışlarda müxtəlif mükafatlar əldə ediblər.

V. Kuznetsov Rusiyada qadınlardan ibarət yığmanın baş məşqçisi, həmçinin, bu ölkədə Cüdo və Sumo Federasiyasının baş katibi olaraq çalışıb.