Ukrayna klubunun 25 futbolçusu hərbi komissarlıqdan çağırış kağızı alıb

Ukraynanın “Obolon” klubunun 25 futbolçusu hərbi komissarlıqdan çağırış kağızı alıb.

“Report” yerli mətbuata istinadən xəbər verir ki, onlara komissarlığa getmələrini tələb edən sənəd göndərilib.

Bütün komanda həmin vaxt Bukoveldəki xizək kurortunda dincəlirmiş. Bu da Kiyev təmsilçisinin gələcəyini sual altına atır.

Qeyd edək ki, “Obolon” Ukrayna Premyer Liqasında 16 turdan sonra 14 xalla turnir cədvəlinin 13-cü pilləsində qərarlaşır. Ölkə çempionatında II dövrə 2024-cü il fevralın 24-də başlayacaq.