İngiltərə Premyer Liqası: “Liverpul” “Mançester Yunayted”lə oyunda xal itirərək liderliyi əldən verib

İngiltərə Premyer Liqasının 17-ci turu çərçivəsində “Liverpul” evdə “Mançester Yunayted”i qəbul edib.

“Report” xəbər verir ki, Maykl Oliverin rəhbərlik etdiyi hakimlər briqadasının idarə etdiyi oyun “Enfild”də baş tutub.

“Liverpul”un nəhəng üstünlüyü ilə keçmiş birinci hissədə çoxsaylı zərbələrə baxmayaraq, Yurgen Kloppun yetirmələri hesabı açmağa müvəffəq olmayıblar – 0:0. Matçın ikinci hissəsi də “qırmızılar”ın böyük üstünlüyü ilə keçib. Oyunda vurulmuş 40 zərbənin 34-nü Mersisayd təmsilçisi vurub. Bununla belə, “qırmızı şeytanlar” əzəli rəqiblərindən 1 xal qopara biliblər: tərəflər heç-heçəyə razılaşıb.

Qeyd edək ki, 17-ci turun yekununda “Liverpul” xal itirərək 2-ci pilləyə geriləyib. “Qırmızılar”ın aktivində 38 xal var, onları liderdən cəmi bir xal ayırır. “Mançester Yunayted” 7-ci pillədə qərarlaşıb. Mankunianların 28 xalı var. Çempionatın lideri 39 xalla “Arsenal”dır.