Frank Lempard ABŞ klubunun baş məşqçi postuna namizəddir

"Çelsi"nin sabiq çalışdırıcısı Frank Lempard "Şarlott" klubunun baş məşqçi postuna namizədlərdən biridir.

"Report" "TopBin90" nəşrinə istinadən xəbər verir ki, ABŞ təmsilçisi 45 yaşlı mütəxəssis və İngiltərə "Aston Villa"sının keçmiş baş məşqçisi Din Smitlə danışıqlar aparıb.

Klub yaxın iki həftə ərzində yekun qərarını verməyi planlaşdırır. "Şarlott" son mövsüm MLS-in Şərq Konfransında 9-cu yeri tutub.

Frank Lempard 2022/23 mövsümünün ikinci hissəsində və 2019-2021-ci illərdə "Çelsi"nin "sükanı arxasında" olub. O, həmçinin İngiltərənin "Derbi Kaunti" və "Everton" klublarını da çalışdırıb.