"Milan"ın futbolçusu qeyri-qanuni mərc oynamaqda ittiham edilir

İtaliyanın "Milan" klubunun futbolçusu Alessandro Florentsi qeyri-qanuni mərc oynamaqda ittiham olunur.

"Report" yerli ABI agentliyinə istinadən xəbər verir ki, Turin prokurorluğu 32 yaşlı müdafiəçini şübhəli şəxs qismində reyestrə daxil edib və hazırda araşdırma aparılır.

İtaliyalı oyunçu diskvalifikasiya ilə üzləşə bilər.

Daha əvvəl İngiltərənin "Nyukasl" komandasında çıxış edən Sandro Tonali oxşar ittihama görə artıq cəzalandırılıb. O, qarşıdakı Avropa çempionatı da daxil olmaqla, 12 ay futbol oynamayacaq.

Qeyd edək ki, Alessandro Florentsi cari mövsüm "Milan"ın heyətində 13 matçda iştirak edib.