UEFA Avropa Liqası: həftənin ən yaxşı futbolçusu adına namizədlər müəyyənləşib

UEFA Avropa Liqasında həftənin ən yaxşı futbolçusu adına namizədlərin adı açıqlanıb.

“Report”un qitə futbol qurumunun rəsmi saytına istinadən məlumatına görə, bu mükafata 4 futbolçu iddia edir.

Bunlar "Qarabağ"ın qrupdakı rəqibi, Norveç "Molde"sinin oyunçusu Kristian Eriksen, həmçinin Maksimilian Eqqeştayn ("Frayburq", Almaniya), Pedru Qonsalveş ("Sportinq", Portuqaliya) və Saşa Horvatdır (LASK, Avstriya).

Qeyd edək ki, həftənin ən yaxşı oyunçusu UEFA-nın azarkeşlər arasında apardığı səsvermə nəticəsində bəlli olacaq.