Qara Qarayev zədələnib, "Neftçi"nin digər iki futbolçusu məşqləri bərpa edib

"Neftçi"nin heyətində zədəli futbolçular var.

Paytaxt klubundan "Report"a verilən məlumata görə, bərpa prosesini davam etdirən Emil Balayevlə yanaşı, mikro zədəsi olan Qara Qarayev də fərdi məşqlər edir.

Əvəzində Eddi İsrafilov və Andre Şinyaşiki artıq komanda ilə məşqləri bərpa ediblər.

Ötən turda qırmızı vərəqə alaraq meydandan qovulan Yuri Matias da növbəti qarşılaşmanı buraxacaq.

Qeyd edək ki, "Neftçi" XII turda "Qəbələ"nin qonağı olacaq. Noyabrın 5-də reallaşacaq görüş saat 16:00-da start götürəcək.