Premyer Liqa: “Qəbələ” bu gün “Qarabağ” önündə 6 illik həsrətə son qoymağa çalışacaq

Bu gün Azərbaycan Premyer Liqasında VII tura yekun vurulacaq.

“QELEBE.AZ”un məlumatına görə, son gündə çempion “Qarabağ” autsayder “Qəbələ” ilə qarşılaşacaq.

Qəbələ şəhər stadionunda baş tutacaq görüşdə “qırmızı-qaralar” həm sonuncu pillədən qurtulmağa, həm də “Qarabağ” önündə 6 illik qələbə həsrətinə son qoymağa çalışacaq. Ağdamlılar isə qalibiyyət təqdirində lider “Zirə” ilə aradakı xal fərqini 3-ə endirəcəklər.

Qeyd edək ki, turun əvvəlki oyunlarında “Səbail” “Araz-Naxçıvan”ı məğlub edib (1:0), “Sumqayıt” – “Turan Tovuz” (0:0), “Zirə” – “Neftçi” (1:1) və “Sabah” – “Kəpəz” (2:2) matçları heç-heçə yekunlaşıb.

Azərbaycan Premyer Liqası
VII tur
25 sentyabr (bazar ertəsi)

19:00. “Qəbələ” – “Qarabağ”
Hakimlər: Elçin Məsiyev, Pərvin Talıbov, Cəmil Quliyev, Kamran Əliyev.
Hakim-inspektor: Babək Quliyev.
AFFA nümayəndəsi: Seymur Səlimli.
Qəbələ şəhər stadionu

Bombardirlər: Aleksandr Ramalinqom (“Səbail”) - 4, Orxan Əliyev (“Araz-Naxçıvan”), Martin Petkov, Belajdi Pusi (hər ikisi “Turan Tovuz”), Osama Xalayla (“Qəbələ”), Olavio Juninyo (“Qarabağ”) - 3 qol.