Azərbaycan millisinin qapıçısı top-klub üçün ən çox hazır olan gənclər siyahısına düşüb

Azərbaycan millisinin və "Sabah" klubunun qapıçısı Yusif İmanov top-klub üçün ən çox hazır olan 100 gənc futbolçu sırasına düşüb.

"Report"un məlumatına görə, 21 yaşlı qolkiper Beynəlxalq İdman Araşdırmalar Mərkəzinin açıqladığı siyahıda yer alıb.

İmanov 49,5 təcrübə göstəricisi ilə 55-cidir. Onun transfer dəyəri isə 700 min avro olaraq qeyd edilib.

Birinci sırada Portuqaliya "Benfika"sından Antoniu Silva (79,5 təcrübə) qərarlaşıb. Hücumçunun qiyməti 102,5 milyon avrodur.

Ukraynanın "Şaxtyor" (Donetsk) klubundan Georgi Sudakov (35,6 milyon avro) ikinci, Braziliyanın "San-Paulu" komandasından Pablo Maiya (17,4 milyon avro) üçüncü olub. Hər iki oyunçu 64,6 təcrübə göstəricisinə malikdir.