Mahir Emreli: "Səfərdə “Beşiktaş”a, evdə “Qalatasaray”a qarşı çıxış etməyin həzzi başqa idi”

“Səfərdə “Beşiktaş”a, evdə “Qalatasaray”a qarşı çıxış etməyin həzzi başqa idi. “Sarı-qırmızılar”ı məğlub etmək isə tam başqa hiss idi”.

Bunu “Report”un Zaqrebə ezam olunmuş əməkdaşına müsahibəsində Azərbaycan millisinin və Xorvatiyanın “Dinamo” klubunun futbolçusu Mahir Emreli deyib.

26 yaşlı hücumçu Türkiyədə futbola marağın yüksək səviyyədə olduğunu bildirib: “Məncə, Türkiyədə futboldan həzz alanlar yalnız 4 böyük komandanın oyunçularıdır (gülür). Səhv anlaşılmasın, orada hakimliklə bağlı böyük problemlər var. Bunları da daha çox Anadolu komandaları yaşayır. Bu cür amillər də insana toxunur. Hər matçda ayrı-seçkiliyi görmək bir az təsir edir. Yalnız azərbaycanlılar yox, hər bir futbolçu orada oynamaq istəyər. Hər görüşdə və stadionda abu-hava fərqli olur. Nə qədər stadionlarda oynamışam. Türkiyədə futbol sanki müharibə kimidir. İnsanlar bu dərəcədə fanatlıq edirlər”.

Mahir Emrelinin müsahibəsinin tam versiyasını buradan oxuya bilərsiniz.