“Neftçi” avrokuboklarla vidalaşıb

“Neftçi” avrokubokların 2023/24 mövsümünü başa vurub.

Apasport.az saytının məlumatına görə, Konfrans Liqasında çıxış edən Bakı klubu mübarizəni III təsnifat mərhələsində dayandırıb.

Adrian Mutunun yetirmələri “Beşiktaş” səddini keçə bilməyib. Ötən həftə Bakıda 1:3 hesabı ilə uduzan “Neftçi” İstanbuldakı qarşılaşmaya yaxşı başlayıb.

İlk 45 dəqiqədə xoş təsir bağışlayan “ağ-qaralar” Emin Mahmudovun dəqiq zərbəsi ilə hesabı açıb. Fasilədən sonra komandanın liderlərini meydana buraxan Şenol Günəş oyunda dönüş yarada bilib. İki qol vuran “Beşiktaş” əzmkar qələbə ilə pley-offa yüksəlib.

Qeyd edək ki, “Neftçi” cari mövsüm avriokuboklarla vidalaşan ikinci təmsilçimiz olub. “Qəbələ” mübarizəni yarışa başladığı II təsnifat mərhələsində dayandırıb.

Konfrans Liqası
III təsnifat mərhələsi, cavab oyunu
17 avqust
22:00. "Beşiktaş" (Türkiyə) – “Neftçi” (Azərbaycan) - 2:1
Qollar: Vensan Abubakar,, 57, Cekson Muleka, 71 // Emin Mahmudov, 36
Baş hakim: Yulian Veinberger (Avstriya)
Beşiktaş: 34. Mert Günok (k), 24. Valentin Rozye, 12. Daniel Amarti, 77. Umut Meraş, 83. Jedson Fernandes, 40. Cekson Muleka, 20. Necip Uysal, 71. Jan Onana, 21. Demir Tıknaz, 90. Semih Kılıçsoy, 7. Ante Rebiç
Ehtiyat oyunçular: 1. Ersin Destanoğlu, 97. Utku Yuvakuran, 17. Kerem Kesgin, 3. Fransisko Montero, 23. Kartal Yılmaz, 99. Emrecan Bulut, 19. Amir Haciahmetoviç, 4. Onur Bulut, 8. Salih Uçan, 10. Vensan Abubakar, 9. Cenk Tosun, 26. Masuaku
Baş məşqçi: Şenol Günəş.
Neftçi: 1. İvan Brkiç, 44. Yuri Matias, 4. Mark Tamaş, , 23. Ataa Caber, 8. Emin Mahmudov (k), 5. Kenni Sayef, 9. Andre Şinyaşiki, 11. Kilan Lebon, 99. Ervin Koffi, 25. Aaron Olanare, 10. Filip Ozobiç
Ehtiyat oyunçular: 30. Aqil Məmmədov, 93. Rza Cəfərov, 3. Höccət Haqverdi, 17. Rəhman Hacıyev, 77. Yeqor Boqomolski, 27. Fərid Yusifli, 19. Azər Salahlı, 21. İsmayıl Zülfüqarlı
Baş məşqçi: Adrian Mutu
İstanbul. “Beşiktaş Park”
İlk oyun – 3:1