"Beşiktaş" Azərbaycan millisinin sabiq futbolçusunu "Şerif"ə icarəyə verib

"Neftçi"nin UEFA Konfrans Liqasının III təsnifat mərhələsində rəqibi olan Türkiyə "Beşiktaş"ı futbolçusu Berkay Vardarı icarəyə verib.

"QELEBE.AZ" klubun rəsmi saytına istinadən xəbər verir ki, 20 yaşlı yarımmüdafiəçi qarşıdakı 2 mövsümü Moldova "Şerif"ində keçirəcək.

Gənc oyunçu 2021-ci ildə Azərbaycanın U-19 yığmasının heyətində 3 oyun keçirib. Bir il sonra isə Türkiyənin U-21 millisinə çağırılıb və 2 yoxlama matçında meydana çıxıb.

Qeyd edək ki, "Neftçi" və "Beşiktaş" arasında Bakıda keçirilmiş ilk oyunda qonaqlar 3:1 hesablı qələbə qazanıblar. Cavab görüşü avqustun 17-də İstanbulda baş tutacaq.