İran şahmatçısı: "Şuşadakı yarışda iştirak etdiyim üçün çox şadam"

"Şuşada keçirilən şahmat yarışında iştirak etdiyim üçün çox şadam, dəvətə görə təşkilatçılara minnətdaram".

"Report"un məlumatına görə, bunu "Shusha Chess 2022" turnirində kişilərin mübarizəsində ikinci yeri tutan İran təmsilçisi Parham Maqsudlu deyib.

22 yaşlı qrossmeyster çox güclü yarış izlədiklərini bildirib: "Nəticələrimdən, ikinci yeri tutmağımdan razıyam. Unutmayaq ki, Şəhriyar Məmmədyarov kimi güclü şahmatçı qalib oldu. Bu səbəbdən ikinci olmağı yaxşı nəticə hesab edirəm. Ümid edirəm ki, yenidən bu turnirdə iştirak etmək imkanım olacaq"