Azərbaycan millisinin futbolçusu Rusiya klubunda pulsuz oynamasının səbəbini açıqlayıb

Azərbaycan millisinin və "Neftçi"nin futbolçusu Azər Əliyev Rusiyanın "Tambov" klubunda pulsuz oynamasından danışıb.

"QELEBE.AZ"un məlumatına görə, 29 yaşlı yarımmüdafiəçi bu barədə "Match TV"yə açıqlama verib.

Əliyev "Ufa"dan ayrılandan sonra klubsuz qaldığı üçün bu addımı atdığını söyləyib: "Tambov"a keçəndə pula ehtiyacımın olmadığını dedim. Meydana çıxmaq, oynamaq və yayadək məşq etmək istəyirdim. Heç vaxt onlara pul üçün müraciət də etmədim. Amma yenə xatırladıram, əvvəlcədən kluba sadəcə, oynamaq istədiyimi demişdim".

Qeyd edək ki, 2022-ci ilin yanvarında "Neftçi"yə keçən Azər Əliyev "ağ-qaralar"la 3,5 illik müqavilə imzalayıb.

Yarımmüdafiəçi 2018 - 2020-ci illərdə "Ufa"da, 2021-ci ilin əvvəlindən yayınadək "Tambov"da çıxış edib. Əliyev həmin ilin iyulunda Ufa təmsilçisinə qayıdıb.