Bakıda Heydər Əliyevin 100 illik yubileyinə həsr edilən beynəlxalq üzgüçülük yarışı başlayır
https://qelebe.az//uploads/photo/bakida-heyder-eliyevin-100-illik-yubileyine-hesr-edilen-beynelxalq-uzguchuluk-yarishi-bashlayir.webp
Ümummilli Lider Heydər Əliyevin 100 illik yubileyinə həsr olunmuş bədii üzgüçülük üzrə "II Aqua Stars Open" beynəlxalq turniri start götürəcək.
Azərbaycan Üzgüçülük Federasiyasından "Report"a verilən məlumata görə, medallar uğrunda 5 ölkənin - Birləşmiş Ərəb Əmirlikləri, İordaniya, Qazaxıstan, Özbəkistan və Azərbaycanın 12 klubundan 150-yə yaxın idmançısı mübarizə aparacaq.
İki gün davam edəcək yarışın sonunda qaliblərə medallar, diplomlar və xatirə hədiyyələri veriləcək.
Turnir bu gün saat 15:15-də Bakı Su İdman Sarayında başlayacaq. Açılış mərasiminə İordaniyanın Azərbaycandakı səfiri Sami Asem Ğoşeh, Azərbaycan Üzgüçülük Federasiyasının rəhbərliyi, Gənclər və İdman Nazirliyinin nümayəndələri, idman ictimaiyyəti iştirak edəcək.
