Çempionlar Liqası: "Qarabağ"ın II təsnifat mərhələsindəki potensial rəqibləri azalıb

"Qarabağ"ın UEFA Çempionlar Liqasının II təsnifat mərhələsində potensial rəqiblərinin sayı azalıb.

"Report"un məlumatına görə, Azərbaycan çempionu “Linkoln”u (Cəbəllütariq) mübarizədən kənarlaşdıracağı təqdirdə “Jalgiris” (Litva) - “Struqa” (Şimali Makedoniya), “Rakuv” (Polşa) - “Flora” (Estoniya) və ya “Olimpiya” (Sloveniya) - “Valmiera” (Latviya) cütünün qalibi ilə üz-üzə gələcək.

Qeyd edək ki, bu raundun püşkatma mərasimi bu gün Bakı vaxtı ilə saat 14:00-da başlayacaq. II təsnifat mərhələsinin ilk oyunları 25-26 iyulda, cavab görüşləri isə 1-2 avqustda keçiriləcək.