İspaniya "Real Madrid"i baş məşqçisi Karlo Ançelottini istefaya göndərməyəcək.
"Report"un məlumatına görə, bu barədə 64 yaşlı mütəxəssisin özü açıqlama verib.
İtaliyalı çalışdırıcı klub rəhbərliyinin ona zəmanət verdiyini bildirib: "Dünən Florentino Pereslə görüşdüm və o, mənə güvəndiyini bildirdi. İşimi dəstəkləyir. Bu layihəni birlikdə davam etdirəcəyik".
Qeyd edək ki, Karlo Ançelottinin "Real Madrid"lə 2024-cü ilin iyununadək müqaviləsi var.