Ümummilli Lider Heydər Əliyevin 100 illik yubileyinə həsr olunmuş Beynəlxalq Minifutbol Turnirində daha bir oyun keçirilib.
“Report”un məlumatına görə, B qrupunun son matçında Fransa ilə Qazaxıstan yığmaları üz-üzə gəliblər.
Bakı Tennis Akademiyasındakı görüş Qazaxıstanın 3:1 hesablı qələbəsi ilə başa çatıb. Bununla da Qazaxıstan millisi qrup birincisi kimi birbaşa yarımfinala vəsiqə qazanıb. Fransa və Ukrayna isə digər qrupun 2-3-cü yerlərini tutacaq komandalarla pley-offda üz-üzə gələcəklər.
Qeyd edək ki, qrupun digər qarşılaşmasında Türkiyə CAR-a 10:2 hesabı ilə qalib gəlib. Bu gün A qrupu çərçivəsində İtaliya – Çexiya və Azərbaycan – Serbiya görüşləri olacaq.
| Komanda | O | Q | H | M | T-F | X | |
| 1 | Qazaxıstan | 4 | 3 | 0 | 1 | 9-4 | 9 |
| 2 | Fransa | 4 | 2 | 1 | 1 | 18-5 | 7 |
| 3 | Ukrayna | 4 | 2 | 1 | 1 | 11-6 | 7 |
| 4 | Türkiyə | 4 | 2 | 0 | 2 | 14-9 | 6 |
| 5 | CAR | 4 | 0 | 0 | 4 | 4-32 | 0 |
Ümummilli Lider Heydər Əliyevin 100 illik yubileyinə həsr olunmuş Beynəlxalq Minifutbol Turnirində günün ilk oyunu keçirilib.
“Report”un məlumatına görə, B qrupunda yer alan Türkiyə ilə CAR yığmaları Bakı Tennis Akademiyasında IV tur matçında üz-üzə gəliblər.
Afrikalılar ilk üç matçda olduğu kimi, bu dəfə də böyükhesablı məğlubiyyətə düçar olublar. Onlar Türkiyənin 10 qoluna cəmi 2 topla qarşılıq verə biliblər – 2:10. Bu qələbə ilə xallarının sayını 6-ya çatdıran Türkiyə yığması qrupu üçüncü pillədə başa vurmaq üçün hazırda davam edən digər görüşdə Fransanın Qazaxıstana qalib gəlməsinə ümid etməlidir.
Qeyd edək ki, bu gün A qrupu çərçivəsində İtaliya – Çexiya və Azərbaycan – Serbiya görüşləri olacaq.