Peşəkar Futbol Liqası (PFL) tərəfindən İmişli şəhər stadionuna baxış keçirilib.
"QELEBE.AZ" PFL-in rəsmi saytına istinadən xəbər verir ki, aparılan təmir və yenidənqurma işlərindən sonra arena I Divizion matçlarını qəbul etmək üçün məqbul hesab olunub.
“İmişli” sözügedən stadionda cari mövsümdə ilk ev oyununu aprelin 12-də “Qarabağ-2” komandasına qarşı keçirəcək. Görüş saat 16:00-da start götürəcək.
Qeyd edək ki, daha əvvəl əyalət təmsilçisinin ev qarşılaşmaları Saatlı Olimpiya İdman Kompleksinin stadionunda baş tutub.