“Atalanta” “Leyptsiq”in yarımmüdafiəçisi Elif Elması icarəyə götürüb.
QELEBE.AZ xəbər verir ki, bu barədə klubun mətbuat xidməti məlumat yayıb.
26 yaşlı futbolçu mövsümün sonunadək İtaliya klubunda çıxış edəcək. Razılaşmada oyunçunun satınalma bəndi də yer alıb.
Qeyd edək ki, şimali makedoniyalı futbolçu ötən mövsüm “Napoli”də çıxış edib. O, A Seriyasında 33 matçda 1 qol və 4 məhsuldar ötürmə ilə yadda qalıb.