İspaniya "Real Madrid"i baş məşqçisi Karlo Ançelotti ilə müqaviləni yeniləməyə hazırlaşır.
"Report" "Marca"ya istinadən xəbər verir ki, "kral klubu"nun prezidenti Florentino Peres italiyalı mütəxəssisin işindən razıdır.
O hesab edir ki, 63 yaşlı baş məşqçinin futbolçular arasında hörməti qazanılan nəticələrdə həlledici rol oynayır.
Qeyd edək ki, Karlo Ançelotti 2021-ci ildə "Real Madrid"lə üç illik müqavilə imzalayıb. Komanda ötən mövsüm onun rəhbərliyi altında İspaniya La Liqasının və UEFA Çempionlar Liqasının qalibi olub.