İngiltərə millisinin yarımmüdafiəçisi Cud Bellinqem maraqlı açıqlama ilə diqqət çəkib.
Apasport.az xəbər verir ki, Qana ilə keçirilən və qolsuz başa çatan DÇ-2026 matçının ən yaxşı oyunçusu seçilən futbolçu mükafata layiq olmadığını bildirib.
Bellinqem görüşdən sonra bunları deyib:
"Düzünü desəm, mən buna layiq deyildim. Qana millisinin futbolçularından biri seçilməli idi. Çünki onlar müdafiədə çox yaxşı oynadılar".
Qeyd edək ki, İngiltərə və Qana milliləri arasında keçirilən L qrupunun III tur matçı 0:0 hesabı ilə başa çatıb. İngilislər buna baxmayaraq qrup liderliyini qoruyublar.