“Neftçi”nin qadınlardan ibarət 3x3 basketbol komandası bu gün Çinin Şanxay şəhərində keçirilən Dünya Seriyasında mübarizəyə start verib.
Apasport.az xəbər verir ki, Ratomir Deliçin yetirmələri ilkin mərhələdə iki oyun keçirib.
“Ağ-qaralar” ilk görüşdə Tayland yığması ilə üz-üzə gəlib. Görüş rəqibin 19:14 hesablı qələbəsi ilə nəticələnib.
Komanda ikinci matçda Niderlandın “Amsterdam” klubu ilə qarşılaşacaq. Bu görüş Niderland təmsilçisinin qalibiyyəti ilə nəticələnib - 18:15.
Qeyd edək ki, Dünya Seriyasının Şanxay mərhələsinə mayın 17-də yekun vurulacaq.