Futbol üzrə Türkiyə Super Liqasında 30-cu tura yekun vurulub.
QELEBE.AZ xəbər verir ki, son oyun günündə 1 qarşılaşma baş tutub.
Burak Yılmazın istefasının ardınca ilk matçına çıxan "Qaziantep" doğma meydanda "Kayserispor"u qəbul edib.
Görüş meydan sahiblərinin 3:0 hesablı qələbəsi ilə başa çatıb.
Xallarının sayını 37-yə yüksəldən "Qaziantep" "təhlükəli zona"dan bir az da uzaqlaşaraq 10-cu pillədə qərarlaşıb.
"Kayserispor" isə 23 xalla 17-ci pillədə qalıb.
Turnir cədvəlinə 71 xalla "Qalatasaray" başçılıq edir.
Mövsümün başa çatmasına 4 tur qalıb.