Viktor Osimhen “Qalatasaray”ın tarixinə düşüb.
Apasport.az xəbər verir ki, nigeryalı hücumçu “sarı qırmızılar”ın avrokuboklarda ən çox qol vuran futbolçusu adına sahib çıxıb.
O, buna Çempionlar Liqasının pley-off mərhələsinin “Yuventus”la matçında (2:3) nail olub.
Forvard “Qalatasaray” formasıyla avrokuboklardakı 13-cü qoluna imza atıb. Bu isə klub tarixində mütləq rekorddur.
Osimhenədək rekord Milan Baroşa məxsus idi. Çexiyalının aktivində 12 belə qol var.