"Fənərbaxça" ciddi itki ilə üzləşib.
Apasport.az xəbər verir ki, komandanın müdafiəçisi Levent Mercan sıradan çıxıb.
Bu barədə klubun mətbuat xidməti məlumat yayıb.
Ötən gün Türkiyə Superkubokunun finalında "Qalatasaray"la oyunda (2:0) sağ ayağının arxa əzələsində yırtıq aşkarlanıb.
25 yaşlı oyunçu təxminən 6 həftə yaşıl meydanlardan uzaq qalacaq.
Qeyd edək ki, Levent bu mövsüm "Fənərbaxça"nın heyətində 15 rəsmi matça çıxıb və 5 məhsuldar ötürmə ilə yadda qalıb.