İspaniya La Liqası təmsilçisi “Real Ovyedo” baş məşqçi Luis Karrionu istefaya göndərib.
Apasport.az xəbər verir ki, bu barədə klubun mətbuat xidməti məlumat yayıb.
Təcrübəli mütəxəssisin istefasına komandanın keçirdiyi son 8 oyunda bir dənə də olsun qələbə qazana bilməməsi səbəb olub.
Qeyd edək ki, “Real Ovyedo” hazırda 10 xalla turnir cədvəlinin 19-cu pilləsində qərarlaşıb.