“Sportinq” mərkəz müdafiəçisi Qonsalo İnasio ilə yeni müqavilə bağlayıb.
Apasport.az xəbər verir ki, bu barədə Portuqaliya klubunun rəsmi saytı məlumat yayıb.
Yeni sözləşməyə əsasən, 24 yaşlı futbolçu 2030-cu ilin yayına qədər Lissabon təmsilçisinin formasını geyinməyə davam edəcək.
Qeyd edək ki, Qonsalo İnasio cari mövsümdə bütün turnirlər üzrə 19 oyunda meydana çıxıb və 2 məhsuldar ötürmə ilə yadda qalıb.
Hazırda “Sportinq” Portuqaliya çempionatında 13 turdan sonra 32 xalla ikinci pillədə qərarlaşıb. Turnir cədvəlinin lideri isə 37 xala malik “Portu”dur.