"Qalatasaray"ın Ademola Lukman israrı davam edir.
Apasport.az xəbər verir ki, İstanbul təmsilçisi hazırda “Atalanta” ilə anlaşmazlıqlar yaşayan hücumçu üçün təklif hazırlayıb.
Bu barədə “Fichajes” nəşri məlumat yayıb.
Mənbəyə görə, “sarı-qırmızılılar” 28 yaşlı forvard üçün klubuna 50 milyon avro, oyunçunun özünə isə illik 6 milyon avro təklif etməyə hazırdır.
Qeyd edək ki, Nigeriya millisinin üzvü bu mövsüm A Seriyası təmsilçisi ilə çıxış etdiyi 13 rəsmi matçda 3 qol və 1 assistlə yadda qalıb.