Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunları çərçivəsində üzgüçülük yarışları davam edir.
Apasport.az saytının turnirə ezam olunan əməkdaşı xəbər verir ki, Ramil Vəlizadə kişilərin 200 metr məsafəyə kəpənək üsulla üzmə yarışında 2:01.16 nəticə göstərərək 2-ci yeri tutub və gümüş medal qazanıb.
Yarışın qalibi türk idmançı Polat Uzer Turnalı (1:58.14), 3-cü yeri isə iranlı Muhammadçehdi Qulami (2:01.35) əldə edib.