Dünya klublarının reytinq cədvəli açıqlanıb.
QELEBE.AZ saytının məlumatına görə, İFFHS-in siyahısında Azərbaycanın üç klubu yer alıb.
Ən yaxşı təmsilçimiz “Qarabağ” 139 xalla dünyanın 78-cisidir. Qurban Qurbanovun yetirmələri ötən ayla müqayisədə 7 pillə irəliləyib.
“Neftçi” 66,5 xalla planetin 290-cı komandasıdır. Bakılılar ötən ayla müqayisədə 95 pillə sıçrayış edib.
“Zirə” 50,25 xalla 478-ci yerdə qərarlaşıb. Paytaxt klubu 99 pillə irəliləyib.
Qeyd edək ki, cədvələ “Flamenqo” (Braziliya) başçılıq edir – 299 xal. “Palmeyras” (Braziliya) 284 xalla ikinci, “Liverpul” (İngiltərə) 273 xalla üçüncüdür.