Kərim Benzema İspaniyanın "Real" klubu ilə müqaviləni uzatmağa razılaşıb.
Apasport.az saytı xəbər verir ki, 35 yaşlı fransızın yeni sözləşməsi 2024-cü ilin iyun ayının sonuna kimi olacaq.
Artıq tərəflər bütün şərtləri müzakirə ediblər. “Kral klubu” yaxın vaxtlarda razılaşmanı rəsmən elan edəcək.
Benzema 2009-cu ilin iyul ayından Madrid təmsilçisində çıxış edir. Hücumçu 5 dəfə Çempionlar Liqasını, 4 dəfə klublararası dünya çempionatını, İspaniya çempionluğunu, ölkə Superkubokunu, UEFA Super Kubokunu və 2 dəfə İspaniya Kubokunu qazanıb.
Kərim 2022-ci ildə ən yaxşı oyunçuya verilən “Qızıl top” mükafatına da sahib olub.