UEFA Konfrans Liqasının III təsnifat mərhələsində "Levski" ilə qarşılaşacaq "Sabah"ın Bolqarıstana səfərinin detalları müəyyənləşib.
Bu barədə "Report"a klubun mətbuat katibi Elnur Həmidov məlumat verib.
Komanda Sofiyaya avqustun 6-da, saat 10:00-da çarter reysi ilə yollanacaq. Oyunöncəsi mətbuat konfransı avqustun 6-da, yerli vaxtla saat 20:00-da, komandanın açıq məşqi isə 20:30-da baş tutacaq.
Klub rəsmisi azarkeşlərlə bağlı məsələnin qarşıdakı günlərdə dəqiqləşəcəyini bildirib.
Qeyd edək ki, "Levski" - "Sabah" matçı avqustun 7-də, Bakı vaxtı ilə saat 22:00-da Sofiyadakı Georgi Asparuxov adına stadionda keçiriləcək.