Kişi voleybolçular arasında Avropa Gümüş Liqasında sonuncu mərhələyə start verilib.
Apasport.az xəbər verir ki, Sandurda baş tutacaq III turun ilk oyununda Azərbaycan millisi ev sahibi Farer adaları ilə üz-üzə gəlib.
Qarşılaşmaya Fərid Cəlalovun komandası zəif başlayıb. İlk seti meydan sahibləri qazansalar da, voldeybolçularımız oyunda dönüş yarada biliblər. Növbəti 3 setdə qalib gələn millimiz 3:1 hesabı ilə qalib gəliblər.
5 oyundan sonra hesabında 6 xal olan Azərbaycan yığması 4-cü pillədə qərarlaşıb. Farer adaları isə 3 matçdan sonra 2 xalla 6-cıdır.
Avropa Gümüş Liqası
20 iyun
III tur, 5-ci oyun
Kişilər
19:00. Azərbaycan – Farer adaları - 3:1 (17:25, 25:15, 25:22, 25:23)
Hakimlər: Niklas Tomsen (Danimarka), Raymond Haamberq (Niderland)
Sandur, “Höllin inni i Dal”
Qeyd edək ki, yığmamız sabah axırıncı matçını Avstriyaya qarşı keçirəcək.