İngiltərənin “Çelsi” klubu “Lion”un (Fransa) gənc futbolçusu Malik Fofananı transfer etmək istəyir.
“QELEBE.AZ” "The Athletic"ə istinadən xəbər verir ki, London təmsilçisi 20 yaşlı cinah oyunçusu ilə maraqlanır.
2024-cü ildən Fransa təmsilçisinin formasını geyinən belçikalı futbolçu bu müddətdə bütün yarışlarda meydana çıxdığı 41 oyunda 11 qola və 6 məhsuldar ötürməyə imza atıb.
Qeyd edək ki, belçikalı futbolçunun klubla müqaviləsinin müddəti 2028-ci ilin yayına kimi nəzərdə tutulub. O, 42 milyon funt-sterlinq dəyərində qiymətləndirilir.