Qelebə.az > Bakıda təşkil olunan minifutbol üzrə dünya çempionatında üçüncü günə yekun vurulub

Bakıda təşkil olunan minifutbol üzrə dünya çempionatında üçüncü günə yekun vurulub.

“Report”un məlumatına görə, komandalar qrup mərhələsinin II turunda 8 oyun keçiriblər.

Qarşılaşmalar Milli Gimnastika Arenasında reallaşıb.

A qrupunda yer alan Azərbaycan millisi Sloveniya ilə qarşılaşıb və ilk qələbəsini qazanıb - 4:0. Yığmamızın rəqiblərindən Mavritaniya və Bəhreyn seçmələrinin duelində Afrika təmsilçisi 2:0 hesabı ilə qalib gəlib.

A qrupu

1. Azərbaycan — 4 xal (5:1)

2. Mavritaniya — 4 xal (3:1)

3. Bəhreyn — 1 xal (1:3)

4. Sloveniya — 1 xal (1:5)

B qrupunda mübarizə aparan Fransa Özbəkistanın müqavimətini qıra bilməyib və görüş 3:3 hesabı ilə yekunlaşıb. Qrupun digər oyununda isə günün sensasiyası qeydə alınıb. Son dünya çempionu Rumıniyaya 4:2 hesabı ilə qalib gələn Çad aktivinə ilk 3 xalı yazdırıb.

B qrupu

1. Fransa — 4 xal (4:3)

2. Çad — 3 xal (4:3)

3. Rumıniya — 3 xal (4:5)

4. Özbəkistan — 1 xal (4:5)

İngiltərə və Macarıstan komandalarının qarşılaşdığı C qrupunda tərəflər qalibi müəyyənləşdirə bilməyiblər -1:1. Digər matçda isə Türkiyə Ukrayna yığmasını 3:1 hesabı ilə üstələyərək ilk qalibiyyətini əldə edib.

C qrupu

1. İngiltərə — 4 xal (5:1)

2. Türkiyə — 4 xal (4:2)

3. Macarıstan — 2 xal (2:2)

4. Ulrayna — 0 очков (1:7)

D qrupunda Bolqarıstan Hindistanı böyük hesabla məğlub edib - 5:0. Portuqaliya yığması isə Slovakiya üzərində 2:1 hesablı qələbə qazanaraq xallarının sayını 6-ya yüksəldib və növbəti mərhələyə vəsiqəni vaxtından əvvəl təmin edib.

D qrupu

1. Portuqaliya — 6 xal (5:2)

2. Slovakiya — 3 xal (16:2)

3. Bolqarıstan — 3 xal (6:3)

4. Hindistan — 0 xal (0:20)

Qeyd edək ki, dünya çempionatı iyunun 1-də başa çatacaq.