İngiltərə Premyer Liqası təmsilçilərindən “Mançester Siti” yayda heyətini gücləndirməyi planlaşdırır.
QELEBE.AZ xəbər verir ki, “şəhərlilər” “Atalanta”nın yarımmüdafiəçisi Edersonu transfer etmək niyyətindədir.
Bu barədə İtaliya mətbuatı məlumat yayıb.
İddialara görə, A Seriyası klubu bu keçid üçün qarşı tərəfdən 50 milyon avro tələb edir.
Oyunçunu “Siti”dən başqa “Mançester Yunayted”də heyətinə qatmaq istəyir.
Xatırladaq ki, “Atalanta” 25 yaşlı futbolçunu 2022-ci ildə “Salernitana”dan 22,9 milyon avroya transfer etmişdi.
Qeyd edək ki, Braziliya millisinin üzvü bu mövsüm komandası ilə meydana çıxdığı 45 rəsmi matçda 5 qol, 2 assistlə yadda qalıb.