Azərbaycan paralimpiyaçısı Polad Rzayev Fransanın Auron şəhərində keçirilən FIS Paradağ xizəyi turnirində finala yüksəlib.
Apasport.az xəbər verir ki, LW3 kateqoriyası üzrə mübarizə aparan idmançı ilkin mərhələni 1:01.57 nəticə ilə başa vuraraq həlledici mərhələyə vəsiqə qazanıb.
Yarış 2026-cı ildə keçiriləcək Qış Paralimpiya Oyunlarına reytinq xalları qazandırır.
Qeyd edək ki, Rzayev ötən həftə İtaliyanın Pila şəhərində keçirilmiş FIS Paradağ xizəyi turnirinin həlledici mərhələsində çıxış edib.