“Zirə” yeni sezon üçün transfer çalışmalarını davam etdirir.
Apasport.az saytına verilən məlumata görə, qəsəbə təmsilçisi milli komandamızın da formasını geyinmiş, hazırda “Sabah”da oynayan Namik Ələsgərovla maraqlanır.
Belə ki, Misli Premyer Liqasında 2-ci pillədə qərarlaşan klub yayda transfer etmək istədiyi oyunçular siyahısına Ələsgərovun da adını daxil edib.
Bu keçid üçün 3 ay sonra - mövsümün sonunda rəsmi təklif olunacaq.
30 yaşlı futbolçunun "Sabah"la müqavilə müddəti 2025-ci il iyunun 30-na qədərdir.
Xatırladaq ki, Namik, 2022-ci il iyulun 1-dən Masazır təmsilçisinin formasını geyinir.
Ələsgərov daha əvvəl "Bakı", "Qarabağ", "Kəpəz", "Neftçi" və "Bursaspor" kimi klublarda çıxış edib.