FIFA lisenziyalı türkiyəli hakim Halil Umut Meler bazar günü İrlandiya ilə Bolqarıstan arasında keçirilən UEFA Millətlər Liqası play-off matçında zədələnib.
QELEBE.AZ xəbər verir ki, qarşılaşmanın 37-ci dəqiqəsində sol baldırında qəfil ağrı və batma hissi yaşayan Meler, yeriməkdə çətinlik çəkdiyi üçün oyuna davam edə bilməyib.
Onu meydanda 2025-ci ildə FIFA hakimləri siyahısına daxil edilmiş dördüncü hakim Mehmet Türkmen əvəz etmişdi.
Halil Umut Melerin müalicəsinə bu gün aparılacaq müayinələrdən sonra başlanacaq.